တချို့က ကမ္ဘာကြီးမှာ ဘာဖြစ်ဖြစ်ကိုယ်နဲ့မဆိုင်ပါဘူးကွာ တဲ့။ ဒီလိုနဲ့ တရုတ်က စလိုက်တဲ့ ကိုဗစ်ရောဂါက ကမ္ဘာကပ်လိုဖြစ်သွားရတယ်။ ယူကရိန်း ကစလိုက်တဲ့ စစ်မီးဟာ ပြည်တွင်းစစ်မဟုတ်သလို, နိုင်ငံကြီး တစ်နိုင်ငံက အခြားနိုင်ငံငယ် တစ်ခုကို နိုင်ငံတကာ ဥပဒေတွေ ချိုးဖေါက်ပြီး ကျူးကျော် ဝင်တိုက်တဲ့ အဖြစ်ပျက်ပါ။ ပထမ ကမ္ဘာစစ်, ဒုတိယ ကမ္ဘာစစ်တွေ မှာ နယ်မြေချဲ့ရင်း, ပါဝါ ပြရင်း စူပါဝါ ပြိုင်ခဲ့ကြတယ်။ စစ်ပွဲတွေ မပြောနဲ့ Pandemic လို့ခေါ်တဲ့ ရောဂါကပ်ကြီးဝင်သွားတာတောင် ကမ္ဘာစီးပွါးရေး ယိုင်နဲ့နေခဲ့တယ်လေ။ တတိယ ကမ္ဘာစစ်ကြီးများ ဦးတည်ခဲ့ရင် စဉ်းတောင် မစဉ်းစားရဲ စရာ။ အမှန်တော့ ယူကရိန်းလည်းမှားခဲ့တာလေးတွေ ရှိမယ်။ အိမ်နီးချင်း အင်အားကြီးနိင်ငံကို မထင်မဲ့မြင် ပြုခဲ့သလို, ခွဲထွက်ရေးအဖွဲ့တွေကိုလည်းမနိုင်မနင်းခဲ့။ ဒါ့အပြင်, အမေရိကန် သို့မဟုတ် နေတိုးအဖွဲ့ချုပ်နဲ့ကလည်း မိတ်ဆွေလိုလို, ဘာလိုလို ပေါင်းခဲ့တာကိုး။ တကယ့်တကယ်တော့ နေတိုးဖြစ်ဖြစ်, အမေရိကန်ဖြစ်ဖြစ် သူတို့ကို တိုက်ရိုက်မထိမချင်းတော့ ဘယ်ကူပါ့မလဲ။ ဒီအဖြစ်ပျက်တွေက ကိုယ့်နိုင်ငံကိုလည်း ပထဝီ အနေထားအရ ပုံစံကူးယူလာနိုင်တယ်။ ဖြစ်ခဲ့သည်, မဖြစ်ခဲ့သည်က တစ်ပိုင်းပေါ့။ ကိုယ်တွေနေရတာက အိမ်နီးချင်း တရုတ်ကြီး။ ရုရှားနဲ့က ဘာမှ မထူး။ အရင်းနဲ့ အဖျား။ ကိုယ်တွေ မှာ အမေရိကန် နဲ့ အာဆီယံကလည်း အရေးနဲ့ အကြောင်းနဲ့ဆို ယူကရိန်းလိုပဲ အဝေးကနေ စိတ်မကောင်းတာတွေ, ရှုံ့ချတာတွေ နဲ့ ပြိးသွားမှာ။ ကိုယ့်အားကို ကိုးရတာတော့မှန်ပေမယ့် တရုတ်ကြီးကို မထင်မဲ့မြင်လိုမျိုးလုပ်ရင် အန္တရာသိပ်များလှတယ်။ အကျင့်မကောင်းတဲ့သူဌေး လူဆိုးနား နေရသလို, ကိုယ်တွေမှာလည်း အနာဂတ်က သူတို့ပေါ်မှာ မူတည်နေတယ်။ ရုရှားကို နမူနာကြည့်မယ်ဆိုရင် ရှရှားဘက်အခြမ်း က ယူကရိန်းခွဲထွက်ရေးမသားတွေ ရှိသလို, ကိုယ့်ဆီမှာလည်း ဝ, လိုမျိုးတွေ က တရုတ်ကြီးနဲ့ ပါတ်သက်နေတဲ့ အဖွဲ့တွေ ဟိုတစ်စု ဒီတစ်စု နဲ့ အတော် ရှုပ်ထွေးလှတယ်။ ခေါင်းဆောင်တွေ အနေနဲ့ တိုင်းပြည်အရေးကို လုပ်ရင်အိမ်နီးချင်းမိတ်ဘက်နိုင်ငံကြီးတွေကို မပေါင်းချင်လို့ မရဘူးလို့ မြင်မိတယ်။ အနောက်ဟာ ဝေးသလို, အာဆီယံဟာလည်း အင်အားချိနဲ့တဲ့ အုပ်စု လေး တစ်ခု ဖြစ်နေတော့ ရေရှည်တိုင်းပြည်ကို ပြန်ထူထောင်ဖို့ဆိုရင် အိမ်နီးချင်းတွေလည်း တည့်အောင် ပေါင်းကြရမှာပါ။ ကမ္ဘာစစ် ဖြစ်တာလည်း စောင့်ကြည့်ရမှာဖြစ်သလို, ကိုယ္်လုပ်စရာရှိတာလည်း ကမ္ဘာ့အခြေအနေကို ကြည့်ပြီး သတိကြီးကြီးနဲ့ ရှေ့ဆက်ကြရမှာပါ။ တရုတ်ကြီးမို့, အမေရိကန်ကြီးမို့ မခွဲခြားဘဲ, အတိုးအလျှော့လုပ်ပြီး ကိုယ်လိုချင်တဲ့ ပန်းတိုင်ရောက်အောင်တော့ ပူးပေါင်းသင့်ပူးပေါင်းကြရမှာပါ။
ကံမကောင်းတာတွေများနေရင် ကုသိုလ် များများလုပ်ပါ
ဘုန်းဘုန်းနဲ့ ဆွေးနွေးခဲ့သမျှ မှ (၃)
