ထိုင်း ဘက်မှာ မြန်မာပြည်သူတွေ တိုက်ခန်း၊ အိမ်လုံးချင်းတွေ ဝယ်နေကြလို့ သွားဝယ်သင့်လား

ထိုင်း ဘက်မှာ မြန်မာပြည်သူတွေ တိုက်ခန်း၊ အိမ်လုံးချင်းတွေ ဝယ်နေကြလို့ ကျွန်မတို့ရော သွားဝယ်သင့်လားတဲ့။ 🙂 ကိုယ့်ကို အိမ်ခြံမြေ အကျိုးတော်ဆောင် အကြံပေးများ ထင်ပုံရတယ် 😀 ပိုက်ဆံရှိရင် ဥရောပ အမေရိကားထိ သွားဝယ်၊ ဘာမှ မှားစရာမရှိဘူးလို့ မြှောက်ပေးလိုက်တယ် 😀 တကယ်ပြောတာ ဒေါ်လာ ၂၅၀,၀၀၀ လောက်တတ်နိုင်ရင် ပေါ်ကျူဂယ် (ပေါ်တူဂီ) တို့၊ တာရကီ (တူရကီ) တို့ကိုသွားဝယ်။ အိမ်ခြံမြေမှာ ရင်းနှီးမြုပ်နှံလိုက်တာနဲ့ မိသားစုလိုက် Residence ပါ ရတယ်။ သိပ်ချမ်းသာတဲ့သူတွေကို ပြောတာ။ ထိုင်းဆိုလည်း တိုက်ခန်းတွေ သိန်း ၁၅၀၀ လောက်သုံးလိုက်တာနဲ့ တိုက်ခန်းကောင်းကောင်းရပြီ။ ပွဲစားတော့ သေချာစစ်ပြီးမှ ဝယ်ပေါ့။ ကိုယ်တိုင်သွား ၁၄ ရက်နဲ့ ဗီဇာ ဖရီးသွားလည်၊ ပြီးတော့ ၂ လ သက်တမ်းတိုး။ ရှေ့က ရင်းတဲ့သူ နဲ့ ချိတ်ဆက်ပြီး မဝယ်ခင် ၁ လလောက် အနည်းဆုံး လေ့လာစိစစ်ပြင်ဆင်ပြီးမှ ဝယ်။ ထိုင်းမှာတော့ ဈေးသက်သာတယ်၊ ကိုယ့် နိုင်ငံနဲ့ အသုံးစရိတ်သိပ်မကွာတော့ အဆင်ပြေတယ်။ ရာသီဥတု၊ အစားအသောက်နဲ့ မြန်မာအလုပ်သမားတွေ သိန်းနဲ့ချီ ရှိပြီးသားဆိုတော့ မိသားစုလိုက် အခြေချမယ်၊ ယာယီတဲမယ်ဆိုပြေတယ်။ အိမ်ငှါးခတွေကအစ သက်သာတယ်။ တစ်လ ၁၀ သိန်းလောက်သုံးနိုင်ရင် နေလို့ရတယ်။ စားသောက်စရိတ်ကလည်း မြန်မာနဲ့သိပ်မကွာတော့ ပြည်ပထွက်ချင်ရင် ထိုင်းကို ရွေးစေချင်တယ်။ ဘာကြောင့်ညာကြောင့် အကြံပေးတာမဟုတ်ဘူးနော်။ ဒီလိုပဲ စားကျက်ပြောင်းသင့် ပြောင်းကြရတယ်။​ ဘယ်မှာပဲ နေနေ၊​ဘယ်ပဲ ရောက်ရောက် ကိုယ့်မြန်မာအချင်းချင်း ချစ်တဲ့စိတ်နဲ့ ကူညီနေနိုင်ဖို့ပဲ အရေးကြီးတာမိုလား။ ကာယအား၊ ညာဏ အားနဲ့တိုင်းပြည်ကို တစ်ဘက်တစ်လမ်းကနေ ထောက်ပံ့ကူညီနေနိုင်ဖို့ပဲ လိုပါတယ်။ တတ်နိုင်တဲ့မိသားစုတွေကို ပဲ ညွှန်းပါတယ်။ ထိုင်းထက်ပိုပြီး ရင်းနိုင်တယ်ဆိုရင် အိမ်ခြံမြေဝယ်တာနဲ့ Residence ရမယ့်နိုင်ငံပဲ ရွေးပါ။ Residence သဘောတရားက သူ့နိုင်ငံမှာ အနည်းဆုံး ၃ နှစ်တစ်ခါ သက်တမ်း တိုးပြီးနေရုံပါပဲ။ နိုင်ငံသားတစ်ယောက်လိုခံစားခွင့်မရပေမယ့်၊ နိုင်ငံသားလိုပဲ နေရုံပါ။ ပြည်ပ(တခြားနိုင်ငံ) ကိုလည်း အဝင်အထွက်လုပ်နိုင်သလို၊ အလုပ်လု့ပ်ခွင့်၊ ပညာသင်ယူခွင့် အကုန်ရပါတယ်။ သူ့နိုင်ငံပြင်ပ ကို ၆ လ အထက် ကျော်လွန်းပြီးမနေရင် Residence ဖြစ်နေမှာပါ။ အမေရိကားကတော့ မြန်မာအတွက် မိသားစု နေထိုင်လို့ရတဲ့နည်းက EB 5 (Green card) အတွက် ဆို ဒေါ်လာ (၈)သိန်း အနည်းဆုံး ရင်းနှီးမြုပ်နှံမှ ရပါတယ်။​ တခြားနိုင်ငံတွေလည်း အများကြီးရှိပါတယ်။ အလွယ်ဆုံးနည်းက နိုင်ငံသိပ်မရွေးဘူးဆိုရင် ထိုင်းလောက်ပဲ ဈေးသက်သာသလို၊​ မိသားစု အတွက် အဆင်ပြေပြေ ရွှေ့ပြော်င်းလို့ကောင်းပါတယ်။ အကောင်းဆုံးတစ်ခုက အသက် ၅၀ ကျော်ရင် Retire Visa လျှောက်ထားနိုင်ပါတယ်တဲ့။ တစ်နှစ်တစ်ခါ သက်တမ်းတိုးပြီး အကြိုက်နေရုံပါပဲ။ မေးတဲ့သူရှိလို့ ဖြေရခြင်းပါ။ ဒီလိုအချိန်မှာ အားလုံးခက်ခဲနေကြတာပါ။ ကိုယ့် အပူနဲ့ကိုယ် ဆိုတော့ ကိုယ့်ဝမ်းနာကိုယ်ပဲ သိကြမှာပါ။ ဘာမှ စိတ်ဓါတ်မကျပါနဲ့။ ဒုတိယ ကမ္ဘာစစ်ကြီးဖြစ်ခဲ့ပေမယ့် ကမ္ဘာကြီးပျက်ခဲ့တာမှ မဟုတ်တာ။ အဖြေတစ်ခုတော့ ထွက်လာပါလိမ့်မယ်။​ မုန်တိုင်းပြီးရင် လေငြိမ်စမြဲပါပဲ။ Be Strong ပါ။ အားလုံးအဆင်ပြေပြေ ကျန်းမာစွာကျော်ဖြတ်နိုင်ကြပါစေ။