ပြည်ပနိုင်ငံကြီးတွေကို လည်ပတ်ချင်တာ, အခြေချ နေထိုင်ချင်တာ

ပြည်ပနိုင်ငံကြီးတွေကို မိသားစုနဲ့ ဖြစ်ဖြစ်, တစ်ဦးတစ်ယောက်တည်းဖြစ်ဖြစ် လည်ပတ်ချင်တာ, အခြေချ နေထိုင်ချင်တာမျိုးဆိုရင် ကိုယ်ပိုင်လုပ်ငန်းလုပ်နေတဲ့ အဆင်ပြေတဲ့ မိတ်ဆွေတွေကို အကြံပေးချင်ပါတယ်။ US, Europe, နဲ့ တခြား နိုင်ငံကြီးတွေကို အလည်ပတ်ပဲ သွားသွား, သားသမီးပညာရေးအတွက် အပြီးနေချင်တာဖြစ်ဖြစ် အဆင့် ၁)​ ဘာတွေ ပြင်ဆင်ထားရမလဲ ကိုယ့်နိုင်ငံမှာ ကုမ္ပဏီထောင်ခြင်းနဲ့ ကုမ္ပဏီ ဘဏ်အကောင့် (Corporate Bank Account) ဖွင့်ထားဖို့ နံပါတ်တစ် အရေးကြီးပါတယ်။​ ဖွင့်ပြီး အနည်းဆုံး ၃ နှစ်ကနေ ၆ နှစ်ကျော်ရှိရင် ပိုအဆင်ပြေပါတယ်။ —- အဆင့် ၂) Residence လျှောက်ဖို့ ကြိုးစားပါ Residence Visa ဆိုတာ နိုင်ငံတစ်ခုမှာ အမြဲနေထိုင်ခွင့်အတွက် ပထမအဆင့်ပါ။ အနည်းဆုံး နိုင်ငံပေါ်မူတည်ပြီး ၂ နှစ်ကနေ ၅ နှစ်အထိ ပေးလေ့ရှိပါတယ်။ Residence Visa ပြီးရင် သူ့နိုင်ငံမှာ ဆက်တိုက်နေထိုင်ပြိး 3 နှစ်ကြာရင် တချို့က ၅ နှစ်ကြာရင် Permanent Residence Visa PR လျှောက်ရပါတယ်။ တချို့နိုင်ငံတွေက ၅ နှစ်ကျော်တာနဲ့ နိုင်ငံသား Citizen လျှောက်ထားနိုင်ပါတယ်။ တချို့နိုင်ငံတွေက မိမိနိုင်ငံမှာကုမ္ပဏီထောင်ထားတာရှိရင် Residence Visa လျှောက်လို့ရပါတယ် (ဥပမာ ယူကေ)။ တချို့နိုင်ငံတွေကြတော့ သူတို့နိုင်ငံတွေမှာ ကုမ္ပဏီ ထောင်ရပါတယ် (ဥပမာ ယူအေအီး)။ ပေါ်ကျူကယ် (မြန်မာအခေါ ပေါ်တူဂီ) တာရကီ(တူရကီ)လို နိုင်ငံမျိုးတွေကြတော့ ရင်းနှီးမြုပ်နှံရပါတယ်။ အနည်းဆုံး USD 200000 (မြန်မာငွေ သိန်း ၄၀၀၀) အထက် အိမ်ခြံမြေလုပ်ငန်းတွေမှာ ရင်းနှီးမြုပ်နှံရပါတယ်။ ဒါမျိုးကတော့ နိုင်ငံကြီးတွေ အများစုမှာ ရနိုင်ပါတယ်။ Visa Type တော့မတူကြပါဘူး (အသေးစိတ်တော့ နောက်ပိုင်းရေးပါမယ်)။ —— အဆင့် ၃) Citizenship or Second Passport ဒါကတော့ နည်းလမ်း နှစ်မျိုးရှိပါတယ်။ ပထမတစ်ခုက ရင်းနှီးမြုပ်နှံမှုကနေ တစ်ဆင့်ချင်း Residence Visa, PR, Citizenship ဆိုပြီး သွားကြရတယ်။ ဥပမာ ယူအက်စ် (အမေရိကား)မှာဆိုရင် ဗီဇာ အမျိုးအစားပေါ်မူတည်ပြီး အနည်းဆုံး ဒေါလာ ၂၅၀၀၀၀ ကနေ ဒေါ်လာ တစ်သန်း အထိ ရှိပါတယ်။ နိုင်ငံကြီးတွေ တော်တော်များများ မှာ ရနိုင်ပါတယ်။ ဒုတိယ နည်းလမ်းက Second Passport နည်းလမ်းပါ။ သူက တော့ သက်ဆိုင်ရာနိုင်ငံတွေကို အနည်းဆုံး ဒေါ်လာ ၁၀၀၀၀၀ လှူဒါန်းရတယ်။ ဥပမာ St. Kitts, Grenada, Vanuatu လိုမျိုး နိုင်ငံတွေမှာရပါတယ်။ လှူဒါန်းပြီး Passport ရဖို့ အနည်းဆုံး ၂ လကနေ ၆ လ အထိ စောင့်ရနိုင်ပါတယ်။ လျှောက်ထားတဲ့သူရရင် မိသားစုလိုက် နိုင်ငံသား ရတဲ့နည်းလမ်းပါ။ တချို့နိုင်ငံတွေက အစောက ပြောသလို မလှူဒါန်းချင်ရင်လည်း အိမ်ခြံမြေမှာ ရင်းနှီးမြုပ်နှံတာမျိုးလုပ်မယ်ဆိုလည်း ရပါတယ်။ ပေါတူဂီ နဲ့ တူရကီတို့က တော့ လူကြိုက်များကြပါတယ်။ ဒီလိုနိုင်ငံတွေမှာ နိုင်ငံသားရရင် နိုင်ငံပေါင်း ၁၄၀ ကျော်လောက်ကို ဗီဇာ လျှောက်စရာမလိုပဲ အဲဒီနိုင်ငံသား passport နဲ့ လည်ပတ်သွားလာနိုင်သလို, ဥပမာ ယူကေ, ဥရောပ လို နိုင်ငံမျိုးတွေမှာ ရေရှည်နေထိုင်ဖို့လည်း လျှောက်ထားနိုင်ပါတယ်။ —— မိမိတွေ့ကြုံဖူးသမျှ ဗဟုသုတအဖြစ် မျှဝေခြင်းဖြစ်ပါတယ်။ ပြည်တွင်းမှာ ရင်းနှီးမြုပ်နှံထားနိုင်တဲ့သူတွေအတွက် ပြည်ပကို စဉ်းစားမယ်ဆိုရင် ပြောတာပါ။ အရေးကြီးတာက ကုမ္ပဏီ ထောင်ဖို့ မမေ့ပါနဲ့။ ကုမ္ပဏီအကောင့်ရှိဖို့လည်း မမေ့ပါနဲ့။ အနည်းဆုံး အလည်အပတ်ဗီဇာ လျှောက်ရင်တောင် ယူအက်စ်ဖြစ်ဖြစ်, ဥရောပ ဖြစ်ဖြစ် ဗီဇာရဖို့ အခွင့်အရေးပိုများပါတယ်။ ဆက်ပါအုံးမယ်။