အခြေအနေ တစ်ခုခု ဖြစ်တိုင်း စိတ်တည်ငြိမ်ဖို့အရေးကြီးပါတယ်။

အခြေအနေ တစ်ခုခု ဖြစ်တိုင်း စိတ်တည်ငြိမ်ဖို့အရေးကြီးပါတယ်။ ဉာဏ်ရှိရင်၊ ဗဟုသုရှိရင်၊ သတင်းအင်ဖေါ်မေးရှင်း ရရင် ရှောင်လွှဲနိုင်စရာတွေ အများကြီးပါ။

ကျိုးကြောင်းဆက်စပ်တွေးပြီး ကိုယ့်အခြေအနေနဲ့ နိုင်ငံအခြေနေ နားစွင့်ပြီး ချင့်ချင့်ချိန်ချိန် တည်တည်ငြိမ်ငြိမ် ဆုံးဖြတ်ကြပါ။ အရမ်းလည်း စိတ်မပူကြပါနဲ့။

အသက်ရွယ် စဥ်းစားခြင်း

——–

တချို့ နယ်က မိဘတွေ နည်းနည်းရှုပ်ထွေးနေတာလေး နည်းနည်းပြန်ရှင်းပါမယ်။​

အသက် ၁၅ အောက်ဆိုရင် မြန်မာကျောင်းက grade 9 ဆိုရင် IGCSE (Year 10-11) ကူးဖို့ အဆင်ပြေနိုင်ပါတယ်။ ၁၆ ထဲ ရောက်ရင်တော့ GED တက်သင့်တယ်လို့ပဲ အကြံပေးချင်ပါတယ်။

ဥပမာ ကလေးက ခု (အသက် ၁၅) အောက် Grade 9 တက်နေတယ်ဆိုပါစို့။ International School ကို ပြောင်းမယ်ဆိုရင် IGCSE (Year 10-11) ကို ရနိုင်ပါတယ် (မှတ်ချက်။ ကျောင်းဘက်က Placement test တော့ ဖြေရနိုင်ပါတယ်)

ဒါဆိုရင် IGCSE က သင်ကြားမှုပိုင်းမှာ (18)လ ဖြစ်တဲ့အတွက် ကလေးက iGCSE ပြီးတာနဲ့ အသက် (၁၆ နှစ် ခွဲ) ဖြစ်သွားမယ်။

IGCSE, GED, OSSD ဘာပဲပြီးပြီး အင်္ဂလိပ်စကားပြောနိုင်ငံက မဟုတ်ရင် IELTS (သို့မဟုတ်) TOEFL လိုကို လိုပါတယ်။ အချိန်ကုန်မှာကြောက်ရင် နှစ်ခု ခွ ပြီး စာလုပ်ဖို့ တိုက်တွန်းပါတယ်။ အနည်းဆုံး IELTS Band Score 6.5 နဲ့ ညီတဲ့ အမှတ်မျိုးရဖို့လိုပါတယ်။

အသက် (၁၆) ထဲဆိုရင်တော့ GED သို့မဟုတ် အမြင့်ပိုင်းတက်ချင်ရင် OSSD ကို တက်နိုင်ပါတယ်။

ကျောင်းသွားတက်မယ့်နိုင်ငံရွေးချယ်ခြင်း

——-

အမြန်လွယ်တဲ့နည်းကို စဉ်းစားမယ်ဆိုရင် ထိုင်းက အလွယ်ဆုံးပါ။ ဒါပေမယ့် သိပ်ဆန္ဒစောပြီး ရွေးရင်လည်း တန်ဘိုးရှိတာတွေ လွတ်သွားတတ်ပါတယ်။ အစောက ပြောသလို အသက်ရွယ်နဲ့ အခြေနေကို ချင့်ချိန်ပြီး မှန်ကန်တဲ့ ဆုံးဖြတ်ချက် ချဖို့ လိုပါတယ်။

ထိိုင်းနိုင်ငံထက် မြင့်တဲ့ ကျောင်းကောင်းရှိတဲ့နိုင်ငံကြီးတွေရှိနေတဲ့အတွက် ကြိုးစားကြည့်ဖို့ တိုက်တွန်းချင်ပါတယ်။ ကျောင်းတွေလျှောက်ရင် တစ်ကျောင်းတည်းကို ဦးတည်မလျှောက်ဘဲ၊ အနည်းဆုံး လေးငါးကျောင်း (နိုင်ငံလည်း လေးငါးနိုင်ငံ) သေချာ ရှာဖွေပြီး documents စုံစုံနဲ့ လျှောက်ကြည့်စေချင်ပါတယ်။

တချို့နိုင်ငံတွေက သံရုံးတွေ့စရာမလိုဘဲ student visa ရနိုင်တာတွေ အများကြီးရှိပါတယ်။ လိုအပ်တဲ့ စာရွက်စာတမ်း၊ အထောက်အထားတွေ ပြည့်စုံမှန်ကန်အောင် ကြိုးစားရပါမယ်။ (ဒီအကြောင်းတွေ အရင်ရေးဖူးပါတယ်၊ ရှာဖတ်ပေးပါ)

US လိုမျိုး နိုင်ငံတွေကတော့ သံရုံးတွေ့ဖို့လိုကို လိုတဲ့အတွက် ကျောင်းရဖို့လွယ်ပေမယ့် သံရုံးအင်တာဗျူးအောင်ဖို့ခက်ပါတယ်။

ခက်တယ်ဆိုပေမယ့် ကိုယ့်ဘက်က မေးသမျှ အထစ်အငေါ့ မရှိဘဲ ယုံယုံကြည်ကြည် ဖြေနိုင်ဖို့ အရေးကြိီးပါတယ်။

ဆက်ပါအုံးမယ်

ကျေးဇူးတင်ပါတယ်။ အားလုံးအဆင်ပြေ ချောမွေ့ကြပါစေ။