Personal Branding

အလုပ်တွေလုပ်တဲ့ အခါ နောက်တစ်ခု အရေးကြီးတာက Personal Branding တည်ဆောက်ခြင်းပါပဲ။ ကိုယ့်လုပ်ငန်းအတွက် အထောက်အကူပြုသလို၊​ ကိုယ့်ဝန်းကျင်ကို လည်း ဩဇာ လွှမ်းမိုးပြီးသားဖြစ်စေတယ်။ တချို့က ကိုယ့် ဆိုရှယ်မီဒီယာကို တွေ့ကရာတွေ တင်တယ်။ ဓါတ်ပုံလေးတင်တာက အစ သတိထားရမယ်။ အလင်းအမှောင်, နဲ့ နောက်ခံ ရှင်းလင်းသပ်ရပ်ဖို့လိုသလို၊​ တချို့ မလိုအပ်တဲ့ ဖေါ်ပြ မှုမျိုး နဲ့ ကိုယ့်ကို အထင်သေးစေမယ့် အတွင်းရေးမျိုး ထည့်သွင်း ရေးသားတာ, ပုံတင်တာမျိုးက ကိုယ့်ရဲ့ တကိုယ်ရည် အရည်အချင်းနဲ့ သိက္ခါကို အထင်မြင်သေးစေနိုင်ပါတယ်။ ဆိုရှယ်မီဒီယာဟာ ဒီနေ့ခေတ်မှာ လူတွေရဲ့ ပြင်ပ စရိုက်တွေကို လွယ်လွယ်မြင်တွေ့စေတယ်။​ လူတစ်ယောက်ရဲ့ စိတ်နေ စိတ်ထား၊​ ဟန်ပန်အမူအယာ၊​ အလုပ်အကိုင် နဲ့ ပညာအတွေ့အကြုံတွေ ခန့်မှန်းလို့ရနိုင်လာတယ်။ နောက်တစ်ခု အဆိုးဆုံးက စိတ်ခံစားမှုပဲ။ ဘာအကြောင်းပြောပြော၊ ဘာပဲလုပ်လုပ် စိတ်ခံစားမှုကို ရှေ့တန်းတင်ရင်လည်း မလိုလားအပ်တဲ့ အလွဲတွေနဲ့ အပျက်သဘောဘက်တိမ်းသွားစေမယ့် တန်ပြန်တုံ့ပြန်မှုမျိုးတွေ ပြန်ရတတ်တယ်။​ တကယ်တော့ ကိုယ်ကိုယ်တိုင် တံဆိပ်တစ်ခုပဲ ဖြစ်နေရမယ်။ ဘာပဲလုပ်လုပ်​ (ကိုယ်ပိုင်လုပ်ငန်းဖြစ်ဖြစ်, တခြားသူများလုပ်ငန်းပဲဖြစ်ဖြစ် ) ကိုယ်ကိုယ်တိုင်က ထုတ်ကုန်လိုသဘောထားပြီး ကိုယ့်တံဆိပ်ကို ကိုယ့်ဘာသာတန်ဘိုးထား လုပ်ဆောင်ရမယ်။ ဒါမှ သာ ဘယ်အလုပ်ပဲဖြစ်ဖြစ် ကိုယ့်တံဆိပ်က တန်ဘိုးရှိတဲ့ တံဆိပ်တစ်ခု ဖြစ်သွားမယ်။ Personal Branding တည်ဆောက်တဲ့အခါ ၁) အခက်အခဲတွေကို ခံနိုင်ရည်ရှိရမယ်။ ၂)​ အောင်မြင်မှုဖြစ်ဖြစ်၊ ကျဆုံးမှုဖြစ်ဖြစ် တည်ငြိမ်စွာ ဖြတ်သန်းနိုင်ရမယ်။ ၃) အပြုသဘောနဲ့ တွေးမြင် လုပ်ကိုင်တတ်ရမယ်။ ၄) ကိုယ့်ကိုဝေဖန်လာမှုတွေကိုလည်း ကြိုဆိုနိုင်ရမှာဖြစ်သလို၊ အပြုသဘောနဲ့ သာ တုန့်ပြန်နိုင်ရမယ်။​ ၅)​ စိတ်စေတနာ ကောင်းနဲ့ ကိုယ့်အလုပ်ကို ကျွမ်းကျင်အောင်၊ အများအတွက် စံပြဖြစ်အောင် ကြိုးစားအားထုတ်ရမယ်၊ ၆) ကိုယ်ပြောချင်တဲ့ အကြောင်းရာတိုင်း အများအတွက် အကျိုးရှိစေမယ့် နည်းလမ်းကို ရွေးချယ်ရမယ်။ (တစ်ဦးတစ်ယောက်တည်းကို ဦးတည်းပြီး ထိုးနက်ရေးသားတာမျိုး၊ ရန်တွေ့တာမျိုး ရှောင်ရမယ်) ကိုယ်ကိုယ်တိုင်က တံဆိပ်ကောင်းဖြစ်နေရင် ဘာပဲလုပ်လုပ်, အောင်မြင်တဲ့ Career သို့မဟုတ် Business တစ်ခုပါပဲ။​ ဆက်ပါအုံးမယ်။